Danimarka dhe Suedia akuzojnë Rusinë për shkelje të hapësirës ajrore

Danimarka dhe Suedia akuzojnë Rusinë për shkelje të hapësirës ajrore

Danimarka dhe Suedia kanë thënë se një aeroplan spiun rus ka shkelur hapësirën ajrore të të dy vendeve.

Të dy vendet kanë thirrur ambasadorët rusë për incidentin.

Komanda Daneze e Mbrojtjes i tha AFP se avioni ishte një zbulues që ishte në hapësirën ajrore daneze për “një moment shumë të shkurtër” dhe se avionët danezë F-16 “ndërhynë menjëherë”.

Ai shtoi se incidente të tilla janë të rralla.

Ministri i Jashtëm danez Jeppe Kofod tha se shkelja ishte “krejtësisht e papranueshme dhe veçanërisht shqetësuese në situatën aktuale”.

Ndërsa Danimarka është anëtare e NATO’s, Suedia po debaton nëse duhet t’i bashkohet aleancës.

Megjithatë, ministri suedez i mbrojtjes i tha gazetës Dagens Nyheter se nuk kishte prova se incidenti ishte i lidhur me këto diskutime.