IHMK: Sot ka filluar zyrtarisht stina e pranverës, pritet rritje e temperaturave

Sot zyrtarisht ka filluar stina e pranverës në orën 16:33 dhe temperaturat vazhdojnë të mbeten të ulëta.

Sipas një njoftimi të Institutit Hidrometeorologjik i Kosovës thuhet se kjo situatë meteorologjike vie si pasojë e prezencës së masave të ajrit nga veriu i kontinentit, më konkretisht nga Rusia.

“Fushat e fuqishme anticiklonike kanë sjellë edhe ajër me lagështi të ulët gjë që nuk ka shenja se do të kemi reshje. Pas gjysmës së dytë të javës së ardhshme pritet rritje të temperaturave në të dy vlerat ekstreme”.

Minimalet do të lëvizin ndërmjet -6 deri -4 gradë Celsius, ndërsa maksimalet e ditës parashihen të lëvizin ndërmjet 7-9 gradë Celsius. Do të fryjë erë e lehtë deri mesatare nga drejtimi i verilindjes